ربــــــي تــرحمــــــنا

آخر تحديث : الخميس 20 أغسطس 2015 - 12:56 صباحًا
2015 08 20
2015 08 20

زجل : محمد العادلي ربي ترحمنا اتنجي من الاخطار ترفع سمعتنا نكونو ناس خيار علي رايتنا ونحسنو بالجار تصلح غلتنا وتنجح بافتخار اوعافي البصير يرجع كيما صار داوي لمريض ياك يشفى من الاضرار و اللي ما خدام سرحلو لقدار رجع الغريب لاهلو يتفقد الوكار مشحال امن الناس خسرت بسباب التعفار ما عرفتش مشات غلطت تبعات الأشرار يوم الحصلة راه ماينفعشي جار لا حبيب اولا قريب من الدوار غير اللي درتو تصيبو ما فيها تحزار غدوا ربي راه يبعثنا بنهار ما تعرف هذا من هذا تتقادد الاعمار من دار الخير راه رابح ويعيش في الانوار يتمتع باللي اتشهى ويعاشر الابرار اعرف يبني اوزاد علا ديك الدار ما تتهزهز ما طيح وما تنهار انجح بالصلاة ما داير شي عار واللي دار الشر راه ابقا روطار غدوا يوم البعث يتحرق بالنار ما عندو تما حبيب اولا نعار بشمالك تقرا كتابك يا غدار كاع اللي درتو اتصيبو مكتوب بالاسطار هاد الدنيا دايزة تبقى الاسوار ما تبقى فيها ابهيمة لا أشجار لا بنو آدم لا ما لا بحار يبقى غير هو الكريم الجبار يحكم ربي بي احكامو و ايبس الانهار واتريب الجبال واطيح الأحجار كي تبقى لوجوه تما كاتصفار غدوا تما راه تعمى لك الابصار ما ينفع تما الأورو لا دولار ما يبقى دسان تتلاقى الاشفار يا ويح اللي خان وافقد المسار عودك راشي لا تعول شي يخضار فالجحيم تعود تتكوى بجمار تبعت الدنيا و ابليس الغرار ورا لك الحليب شرب لك لامرار كاع اللي تبعو خسر اوزاد اكفار خلاه كاعة ايدري في المزرار نختم قولي بالصلاة اعلى المختار يشفع فينا يوم نلقاو الزيار يا ربي راني نطلبك يا غفار